மனிதன் உட்பட அனைத்து ஜீவராசிகளும் சுற்றுச்சூழலைச் சார்ந்தே வாழ்க்கையை நடத்துகின்றன. புவியில் காணப்படும் உயிருள்ள மற்றும், உயிரற்ற பொருட்கள் அனைத்திலும் சிறப்பாக மனிதனே கருதப்படுகின்றான்.
இயற்கையுடன் இணைந்து ஒரு மேம்பட்ட வாழ்க்கையைத் தொடங்கிய மனிதன் அன்றும், இன்றும் இயற்கையுடன் ஒன்றே கலந்துள்ளான். எனினும், இத்தகைய மனித குலத்தினாலேயே சுற்றுச்சூழலுக்கு பெரும் பாதிப்பும் நிகழ்ந்து வருகின்றது என்பதும் மறுப்பதற்கில்லை.
Table of Contents
சுற்றுச்சூழல் என்றால் என்ன
சுற்றுச்சூழல் என்ற வார்த்தை “Environ” என்ற பிரெஞ்சு மொழி சொல்லிருந்து உருவாக்கப்பட்டதாகும். இதன் பொருள் சுற்றிலும் என்பதாகும். பொதுவாக சுற்றுற்சூழல் என்பது மனிதனுடைய அல்லது அவனை உள்ளிட்ட சமுதாயத்தின் வெளிப்புறத் தன்மைகளைப் பொதுவாகக் குறிப்பிடுகின்றது.
அதாவது, நம்மைச் சுற்றியுள்ள நிலம், நீர், காற்று, விண்வெளி, காடுகள், கடல்கள், விலங்கினங்கள், பறவைகள் ஆகியவற்றின் இயக்கம், தன்மை ஆகியவற்றை உள்ளடக்கியதே சுற்றுப்புறச்சூழலாகும்.
மேலும் சுற்றுப்புறச்சூழல் என்பது மனிதனின் வாழ்வுடன் இன்று தொடர்புபட்டுள்ள அரசியல், பொருளியல், சட்டம், குடிமைப்பண்பு, பண்பாடு, நீதித்துறை, சுகாதாரம் ஆகியவற்றைச் சார்ந்துள்ளது.
சுற்றுச்சூழலின் நான்கு கூறுகள்
1. லித்தோஸ்பியர்
2. ஹைட்ரோஸ்பியர்
3. வளிமண்டலம்
4. உயிர்க்கோளம்
ஆகியவை காணப்படுகின்றன. அவை முறையே பாறைகள், நீர், காற்று மற்றும் உயிர்கள் ஆகும்.
லித்தோஸ்பியர் என்பது பூமியின் மேலோடு எனப்படும் வெளிப்புற அடுக்கு ஆகும், இது வெவ்வேறு தாதுக்களாலானது. அதன் ஆழம் 100 கிலோமீட்டர் வரை இருக்கும் இது நிலம் (நிலப்பரப்பு மேலோடு) மற்றும் பெருங்கடல்கள் (கடல் மேலோடு) இரண்டிலும் காணப்படுகிறது. லித்தோஸ்பியரின் முக்கிய கூறு பூமியின் டெக்டோனிக் தட்டுகள் ஆகும்.
பெருங்கடல்கள், கடல்கள், ஆறுகள், ஏரிகள், குளங்கள், ஓடைகள் போன்ற பூமியில் உள்ள அனைத்து வகையான நீர்நிலைகளையும் ஹைட்ரோஸ்பியர் கொண்டுள்ளது. இது பூமியின் மேற்பரப்பில் 70% ஆக்கிரமித்துள்ளது. பூமியில் காணப்படும் 97.5% நீர் உப்பு நீர் வடிவில் கடல்களில் உள்ளது. பூமியில் உள்ள தண்ணீரில் 2.5% மட்டுமே நன்னீர் ஆகும். இதில், 30.8% நிலத்தடி நீராகவும், 68.9% பனிப்பாறைகள் போன்ற உறைந்த வடிவங்களிலும் கிடைக்கிறது. 0.3% அளவு ஆறுகள், நீர்த்தேக்கங்கள் மற்றும் ஏரிகளில் கிடைக்கிறது. இவை மனிதர்களால் எளிதில் அணுகக் கூடியவையாகும்.
வளிமண்டலம் என்பது பூமியைச் சூழ்ந்திருக்கும் வாயு அடுக்கு ஆகும். ஏராளமான ஆக்ஸிஜனைக் கொண்ட வளிமண்டலம் பூமிக்கு தனித்துவமானது. இதுவே மனித உயிர்களைப் பூமியில் வாழ ஏற்புடையதாக்குகின்றது.
இது முக்கியமாக 78.08% நைட்ரஜன், 20.95% ஆக்ஸிஜன், 0.93% ஆர்கான், 0.038% கார்பன் டை ஆக்சைடு மற்றும் ஹைட்ரஜன், ஹீலியம் மற்றும் ஏனைய பல வாயுக்களையும் கொண்டுள்ளது.
உயிர்க்கோளம் என்பது பூமியில் உயிர்கள் இருக்கும் அனைத்துப் பகுதிகளையும் குறிக்கிறது. உயிர்களை ஆதரிக்கும் சுற்றுச்சூழல் அமைப்புகள் மண், காற்று, நீர் போன்றன அடங்கும். பயோஸ்பியர் என்ற சொல் புவியியலாளர் எட்வர்ட் சூஸ் என்பவரால் உருவாக்கப்பட்டது,
உயிர்க்கோளம் என்பது அனைத்து உயிரினங்களையும் குறிக்கிறது, உயிரி இது துருவ பனிக்கட்டிகளிலிருந்து பூமத்திய ரேகை வரை நீண்டுள்ளது, ஒவ்வொரு பகுதியும் அங்குள்ள நிலைமைகளுக்கு ஏற்ற சில உயிர் வடிவங்களைக் கொண்டுள்ளது.
Read More: சுற்றுச்சூழல் என்றால் என்ன