ஆணவம் வேறு சொல்

மானிடர்க்கு காணப்படும் உணர்வுகளில் ஆணவமும் ஒன்றாகும். ஆணவம் என்பது “நான்”, “எனது (என்னுடையது)” என்னும் அகந்தை ஆகும்.

எடுத்துக்காட்டாக, நான்தான் இந்நாட்டிலேயே மிகுந்த செல்வம் உடையவன். அல்லது நான் தான் மிகவும் படித்தவன் என்பது போன்ற மனநிலை ஆகும்.

இந்த ஆணவம் என்ற உணர்வு வந்துவிட்டால் ஒருவனுக்கு தானே எல்லா விடயங்களிலும் பெரியவன் என்று உணர்வு ஏற்பட்டு விடும்.

இருள் தன்னினுள் இருக்கும் பொருட்களை மறைப்பது போல ஆணவம் தன்னையும் தன்னில் இருக்கும் பொருள்களையும் மறைக்கும். இருள் தன்னையாவது காட்டும் ஆனால் ஆணவம் தன்னையும் காட்டாது தன்னில் உள்ள பொருளையும் காட்டாது. எனவே ஆணவம் இருளை விடக் கொடியது.

ஆணவம் உள்ளவன் என்றும் முத்தி அடைய முடியாது என்று சைவ சமயம் கூறுகின்றது. இவ்வாறான ஆணவத்திற்கு வேறு பெயர்களும் காணப்படுகின்றன.