தமிழ் புதிர்கள் விடைகளுடன் (Tamil Puthirgal And Answers): மூளையின் செயல்திறனை அதிகரிக்க வேண்டுமானால் மூளையின் சிந்தனை திறனை தூண்ட வேண்டும்.
இந்த பதிவில் உங்கள் மூளைக்கு வேலை கொடுக்கும் சிறந்த தமிழ் புதிர்கள் விடைகளுடன் காணலாம்.
தமிழ் புதிர்கள் விடைகளுடன்
அடித்தாலும் உதைத்தாலும் அழமாட்டான் அவன் யார்?
விடை: பந்து
நீரிலும் வாழ்வேன் நிலத்திலும் வாழ்வேன் நீண்ட ஆயுள் உடைய எனக்கு இறைவன் கொடுத்த கவசம் இருக்கு நான் யார்?
விடை: ஆமை
கண்ணால் பார்க்கலாம் கையால் பிடிக்க முடியாது அது என்ன?
விடை: நிழல்
எவர் கையிலும் சிக்காத கல் எங்கும் விற்காத கல் அது என்ன?
விடை: விக்கல்
முறையின்றி தொட்டால் ஒட்டிக் கொண்டு உயிரை எடுப்பான் அவன் யார்?
விடை: மின்சாரம்
சட்டையை கழட்டினால் சத்துணவு அது என்ன?
விடை: வாழைப்பழம்
அடிக்காமல் திட்டாமல் கண்ணீரை வர வைப்பான் அவன் யார்?
விடை: வெங்காயம்
வீட்டுக்கு வந்த விருந்தாளியை வரவேற்க ஆளில்லை அது என்ன?
விடை: செருப்பு
ஒரு குகை 32 வீரர்கள் ஒரு நாகம் அது என்ன?
விடை: வாய்
பாலிலே புழு நெளியுது அது என்ன?
விடை: பாயாசம்
மரத்துக்கு மரம் தாவுவான் குரங்கு அல்ல.. பட்டை போட்டிருப்பான் சாமி அல்ல அவன் யார்?
விடை: அணில்
கையில்லாமல் நீந்துவான் கால் இல்லாமல் ஓடுவான் அவன் யார்?
விடை: படகு
வளைந்து நெளிந்து செல்பவள் வழியெங்கும் தாகம் தீர்ப்பாள் அவள் யார்?
விடை: ஆறு
தாய் குப்பையில் மகள் சந்தையில் அவை என்ன?
விடை: நெல்
கூட்டில் குடியிருக்கும் கூடு கட்டத் தெரியாது.. குரலில் இனிமையுண்டு சங்கீதம் தெரியாது அது என்ன?
விடை: குயில்
உடம்பெல்லாம் துவாரம் இருந்தும் தண்ணீரை என்னுள் சேமித்து வைப்பேன் நான் யார்?
விடை: பஞ்சு
பூ பூக்கும் காய் காய்க்கும் ஆனால் பழம் பழுக்காது அது என்ன?
விடை: தேங்காய்
அழகான பெண்ணுக்கு அதிசயமான வியாதி.. பாதிநாள் குறைவாள்.. பாதிநாள் வளர்வாள் அது என்ன?
விடை: நிலா
ஆழக்குழி தோண்டி அதிலே ஒரு முட்டையிட்டு அண்ணாந்து பார்த்தால் தொண்ணூறு முட்டை அது என்ன?
விடை: தென்னை
கையை வெட்டுவார் கழுத்தை வெட்டுவார் ஆனாலும் நல்லவர் அவர் யார்?
விடை: தையல்காரர்
பார்க்க அழகு பாம்புக்கு எதிரி அது என்ன?
விடை: மயில்
சங்கீதம் பாடுபவனுக்கு சாப்பாடு இரத்தம் அது என்ன?
விடை: கொசு
வயதான பலருக்கு புதிதாக ஒரு கை அது என்ன?
விடை: வழுக்கை / பொக்கை
அக்கா விதைத்த முத்து அள்ள முடியாத முத்து அது என்ன?
விடை: கோலம்
இளமையில் பச்சை முதுமையில் சிகப்பு.. குணத்திலே எரிப்பு அது என்ன?
விடை: மிளகாய்
ஆயிரம் பேர் அணி வகுத்தாலும் ஆராவாரம் இருக்காது அவர்கள் யார்?
விடை: எறும்புக்கூட்டம்
எவ்வளவு முயன்றாலும் அவனை கடிக்க முடியாது.. அவன் இல்லாமல் உணவே இல்லை அவன் யார்?
விடை: தண்ணீர்
மேல் ஏறி செல்லும் விமானமும் இல்லை.. தண்ணீர் உண்டு குளமும் இல்லை அது என்ன?
விடை: முகில்
பல் இருக்கும் கடிக்காது அது என்ன?
விடை: சீப்பு
இதயம் போல் துடிப்பிருக்கும் இரவு பகல் விழித்திருக்கும் அது என்ன?
விடை: கடிகாரம்
நாலு கால்கள் உண்டு நடக்க தெரியாது அவன் யார்?
விடை: நாட்காலி
உள்ளே இருந்தால் ஓடித்திரிவான் வெளியே வந்தால் விரைவில் மடிவான் அவன் யார்?
விடை: மீன்
மழையில் நனைவேன் வெயிலில் காய்வேன் வெளியில் விரிவேன் வீட்டில் சுருங்குவேன் நான் யார்?
விடை: குடை
தூய்மையானால் கறுப்பாவேன் அழுக்கானால் வெள்ளையாவேன் அவன் யார்?
விடை: கரும்பலகை
உனக்கு சொந்தமான பொருள் ஆனால் மற்றவர்கள் தான் அதிகம் பயன்படுத்துவார்கள் அது என்ன?
விடை: பெயர்
மெல்லியதாய் இருக்கும் தண்ணீர் மேலேயே மிதக்கும் ஆனால் ஆயிரம் பேர் சேர்ந்தாலும் இதை தூக்க முடியாது அது என்ன?
விடை: நீர்க்குமிழி
ஒல்லியாய் இருப்பான் ஒற்றை கண் உடையவன் உடம்பிலே பட்டால் “உஸ்” என்று கத்திடுவாய் அது என்ன?
விடை: ஊசி
செக்கச் சிவந்திருக்கும் வைக்கோல் கொடுத்தால் தின்னும்.. நெருப்பு கொடுத்தால் சாகும் அது என்ன?
விடை: நெருப்பு
கடலில் இருந்தவன் கரையில் பிரிந்தவன் கடையில் கிடக்கிறான் அவன் யார்?
விடை: உப்பு
முன்னால் போனால் எவரையும் காட்டும் முதுகை உரித்தால் எதையும் காட்டாது அது என்ன?
விடை: கண்ணாடி
விழுந்தவுடன் வேலை செய்வான்.. வேலை இல்லையேல் மூலையில் நிற்பான் அவன் யார்?
விடை: தும்பு தடி
பயந்தால் விட மாட்டான் பழகினால் மறக்க மாட்டான் அவன் யார்?
விடை: நாய்
You May Also Like :