ஊடகம் என்றால் என்ன

இந்த பதிவில் “ஊடகம் என்றால் என்ன” என்பதை விளக்கமாக காணலாம்.

Table of Contents

ஊடகம் என்றால் என்ன

ஊடகம் என்பது ஒரு தகவலை அல்லது கருத்துக்களை பிறருக்கு பரிமாறிக் கொள்வதற்கான அல்லது ஊடுகடத்துவதற்கான சாதனங்கள் ஆகும்.

மனித நாகரீகத்தின் வளர்ச்சியில் தகவல்களை விரைவாக பரிமாறிக் கொள்வதற்கெனவே பல ஊடகங்கள் உருவாகின. இருவேறுபட்ட தரப்பினரிடையே ஒரு தொடர்பாடலை, தகவல்களை ஊடகங்கள் பரிமாற்றம் செய்கிறது.

ஊடகங்களின் வகைகள்

ஊடகங்கள் தகவல்களை பரிமாறிக் கொள்ளும் விடயத்திற்கமைவாக இரு வகைப்படும்.

1. தனிப்பட்ட தேவைக்கான ஊடகம்

தனிப்பட்ட ஊடகம் என்பது தகவல்களை ஒருவருக்கொருவர் தனிப்பட்ட ரீதியில் பரிமாறிக் கொள்வதற்கு பயன்படுத்துவது ஆகும். உதாரணமாக தபால் அஞ்சல், தொலைபேசி, தந்தி, மின்னஞ்சல், உடனடி செய்தி நெட்வொர்க்குகள் என்பவற்றை குறிப்பிடலாம்.

2. பொதுநலனுக்கான ஊடகம்

பொதுநலனுக்கான ஊடகங்கள் “வெகுஜன ஊடகங்கள்” என்றும் அழைக்கப்படுகின்றன. ஒரு பெரிய அளவிலான தகவல்களை பரந்த அளவிலான மக்களுக்கு வழங்குவதையும் பரிமாறிக்கொள்வதையும் குறிக்கிறது. இது பொதுமக்களுக்கானது.

சமூக ஊடக வகைகள்

தளம் மற்றும் தொடர்புக் கொள்ள பயன்படுத்தும் வடிவத்தை பொறுத்து பல்வேறு வகையான சமூக ஊடகங்கள் காணப்படுகிறது.

1. அச்சிடப்பட்ட ஊடகம்

அச்சிடப்பட்ட ஊடகங்களாக அச்சிடப்பட்ட அனைத்து வெளியீடுகளுமான செய்தித்தாள்கள், பத்திரிகைகள், பிரசுரங்கள் போன்றவை அழைக்கப்படுகிறது. அவை தகவல் பரிமாற்றத்துக்கான பொருள் ஊடகமாக பயன்படுத்தப்படுகிறது. இது தகவல் தொடர்புக்கான பழமையான வழிமுறையாகும்.

2. வானொலி ஊடகம்

ரேடியோ தகவல் தொடர்பு என்பது ஒலி சமிக்ஞைகளை அனுப்ப ரேடியோ அலைகளைப் பயன்படுத்துவதை அடிப்படையாகக் கொண்டது. வானொலியின் உடனடி தன்மை, செயல்திறன் மற்றும் குறைந்த உற்பத்திச் செலவுகள் என்பன காரணமாக பத்திரிகைகளை விட வானொலியின் அணுகல் அதிகமாகும்.

3. திரையரங்கம்

20ம் நூற்றாண்டின் முதல் தசாப்தங்களில் இது ஒரு வெகுஜன பொது ஊடகமாக ஒரு முக்கிய பங்கை கொண்டிருந்தது. திரைப்பட தியேட்டர்கள், தொலைக்காட்சி தோன்றுவதற்கு முன்பு தகவல் மற்றும் உடனடி பிரசாரத்திற்கான இடங்களாக காணப்பட்டது.

4. தொலைக்காட்சி

தொலைக்காட்சி என்பது உலகின் மிகவும் பிரபலமான சமூக ஊடகமாகும். இதில் கல்வி, சுகாதாரம், கருத்து, பொழுதுபோக்கு, புனைகதை, தகவல், ஆவணப்படங்கள் போன்றவற்றின் மூலம் இலகு முறையில் தகவல்கள் வெளிப்படுத்தப்படுகின்றன.

5. துணை வழிமுறைகள் / நிரப்பு வழிமுறைகள்

பாரம்பரிய ஊடகங்களின் நிரப்பு அல்லது துணை செயல்பாடுகளை நிறைவேற்றும் செய்திகளை சமூகத்திற்கு அனுப்ப உதவும் அனைத்து ஊடகங்களையும் இது குறிக்கிறது.

உதாரணமாக வெளிப்புற விளம்பர பலகை, சுவரொட்டி, மாதிரிகள், நிறுவனங்கள் விநியோகிக்கும் இலவச காலெண்டர்கள், சுற்றறிக்கை போன்றவற்றை குறிப்பிடலாம்.

6. டிஜிட்டல் ஊடகம் / ஹைப்பர் ஊடகம்

டிஜிட்டல் தகவல் தொடர்பு ஊடகம் என்பது 20ம் நூற்றாண்டின் இறுதியில் தோன்றிய கணினி அறிவியல் மற்றும் புதிய தகவல் தொடர்பு தொழில்நுட்பங்களின் வளர்ச்சியின் வெளிப்பாடாகும்.

உதாரணமாக Google or yahoo போன்ற தேடுபொறிகள், வலைஒளி (YouTube), Spotify, நெட்ஃபிக்ஸ், சவுண்ட்க்ளூட் இவற்றை விடவும் இன்னும் ஊடகங்கள் விரிவடைந்து காணப்படுகிறது.

7. சமூக வலைத்தளங்கள்

ஸ்மார்ட் போன், கணினி, வானொலி மற்றும் தொலைக்காட்சியில் தொடர்பு கொள்ளும் முறைகள் என்பவற்றின் மூலம் தனிப்பயனாக்கப்பட்ட செய்திகளை அனுப்ப அனுமதிக்கும் சேனல்கள்.

அதே நேரத்தில் படங்கள், வீடியோக்கள், ஆடியோக்கள் மற்றும் நூல்களை ஒரு பரந்த அல்லது பாரிய சமூக சூழலில் உற்பத்தி மற்றும் பரிமாற்றம் செய்தல் முறையையே சமூக வலைத்தளங்கள் எனப்படும்.

உதாரணமாக, இன்ஸ்டாகிராம், கூகிள்பிளஸ், ஸ்னாப் சாட், ட்விட்டர், முகநூல், மெசஞ்சர், ஸ்கைப், தந்தி போன்ற பல அமைப்புகள் காணப்படுகின்றன.

ஊடகங்களின் நன்மைகள்

தொலைத்தூர தொடர்புகளின் தூரம் குறைகின்றது.
தொலைத்தூரக் கல்வியை பெறக்கூடியதாக உள்ளது.
கலாச்சார இடைவெளியைக் குறைக்கிறது.
தகவல்களை உடனுக்குடன் அறிந்து கொள்ள கூடியதாக உள்ளது.
மூலதன செலவு குறைவு.

ஊடகங்களின் தீமைகள்

நேர்முக சமூகத் தொடர்புகள் குறைவடைதல்.
தொழில்நுட்பம் சார்ந்துள்ளமையால் , தொழில்நுட்பத்தில் கோளாறுகள் ஏற்பட்டால் சமூக ஊடக தளங்கள் தோல்வியடையும்.
சமூக ஊடகங்களுக்கு அதிகம் அடிமையாதல்.
கையாள்வது கடினம்.
சமத்துவமாக தகவல்கள் பரிமாறப்படாமை.