வரலாறு என்றால் என்ன

அறிமுகம்

வரலாறு என்பது மனித வாழ்க்கையுடன் இணைந்தே உள்ளது. எமது மூதாதையர்கள் பற்றி இன்று நாம் அறிந்து கொண்டுள்ளோம் என்றால் அது வரலாற்றினாயேயாகும்.

வரலாறு என்ற சொல் கிரேக்கச் சொல்லான ‘இஸ்டோரியா’ (Istoria) என்பதிலிருந்து பெறப்பட்டதாகும். இதன் பொருள் விசாரிப்பதன் மூலம் கற்றல் என்பதாகும்.

வரலாறு என்றால் என்ன

வரலாறு என்பதற்கு வரலாற்று அறிஞர்கள் பல்வேறு காலகட்டங்களில் பல்வேறு விதமான விளக்கங்களைக் கொடுத்துள்ளனர். “வீரர்களின் வாழ்க்கைக் கதையை விளக்குவது தான் வரலாறு” என்கின்றார் அறிஞர் எமர்சன்.

“வரலாறு என்பது நிகழ்காலத்திற்கும், கடந்த காலத்திற்கும் இடையிலான உரையாடல்” என Edward Hallett Carr எனும் அறிஞர் குறிப்பிடுகின்றார்.

கடந்த காலத்தைப் பற்றிய ஆய்வு வரலாறு ஆகும். கடந்த காலம் என்பது முந்தைய காலம், அதில் வாழ்ந்த மக்கள் மற்றும் சமூகங்கள் மற்றும் அங்கு நடந்த நிகழ்வுகளைக் குறிக்கிறது. கடந்த காலத்தை ஆராய்வதற்கும், ஆய்வு செய்வதற்கும், விளக்குவதற்கும் மேற்கொண்ட முயற்சிகளை வரலாறு விவரிக்கிறது.

அதாவது வரலாறு என்பது கடந்த கால நிகழ்வுகளின் கால வரிசைப் பதிவு ஆகும்.

வரலாற்றின் முக்கியத்துவம்

நம்மையும் நம்மைச் சுற்றியுள்ள உலகத்தையும் புரிந்து கொள்வதில் நம் அனைவருக்கும் வரலாறு முக்கியமானதாகும்.

மருத்துவம், இசை, கலை என ஒவ்வொரு துறைக்கும் தலைப்புக்கும் வரலாறு உண்டு. வரலாற்று ஆய்வின் முடிவுகள் காணக்கூடியதாக இல்லாவிட்டாலும், குறைவாக இருந்தாலும், வரலாற்றைத் தெரிந்துகொள்வதும் புரிந்துகொள்வதும் முற்றிலும் அவசியம்.

வரலாற்றைப் படிப்பது முற்கால மக்களும், சமூகங்களும் எவ்வாறு வாழந்தனர் என்பதைக் கவனிக்கவும், புரிந்துகொள்ளவும் நம்மை அனுமதிக்கிறது.

சமூகத்தின் பல்வேறு அம்சங்களைப் பற்றிய சட்டங்கள் அல்லது கோட்பாடுகளை உருவாக்கப் பயன்படும் தரவுகளை வரலாறு நமக்கு வழங்குகிறது.

இன்றைய பிரச்சினைகளைப் புரிந்துகொள்ள மற்றும் சிறந்த தீர்மானங்களை எடுப்பதற்கு வரலாறு நமக்கு உதவுகிறது.

வரலாற்றின் பயன்கள்

வரலாறு நமக்கு ஒரு அடையாளத்தை அளிக்கிறது. நாம் எங்கிருந்து வந்தோம் என்பதைப் புரிந்துகொள்வதன் மூலம், நாம் யார் என்பதை நன்கு புரிந்து கொள்ள முடியும்.

வரலாறு நம் வாழ்விற்கும் நமது இருப்புக்கும் ஒரு சூழலை வழங்குகிறது. இறந்த கால நிகழ்வுகள் எவ்வாறு இருந்தன என்பதையும், எதிர்காலத்தை நாம் எவ்வாறு அணுகலாம் என்பதையும் புரிந்துகொள்ள இது உதவுகிறது.

மனித இனத்தின் மாபெரும் சாதனைகள் மற்றும் பேரழிவுகள் அதன் பிழைகளை முன்னிலைப்படுத்தி, மனிதனாக இருப்பதன் அர்த்தம் என்ன என்பதை வரலாறு நமக்குக் கற்பிக்கிறது.

அனைவரின் நலனுக்காகவும் நமது சமூகங்களை எவ்வாறு சிறப்பாக ஒழுங்கமைப்பது மற்றும் நிர்வகிப்பது என்பது பற்றி வரலாறு நமக்குக் கற்பிக்கிறது.

You May Also Like :
வரலாற்றை கற்பதன் பயன்கள்
வரலாற்றை கற்பதன் பயன்கள் கட்டுரை